كان يا مكان وما يحلي الكلام الا بذكر النبي عليه افضل الصلاة والسلام كان فيه شاب عايش مع امه المسنة وكان بيحبها جدا بس للاسف في يوم من الايام تعبت الام فجأه فأخدها الشاب للمستشفي وهناك قال الدكتور للشاب ان امه مريضة جدا جدا وانها هتموت بعد ايام قليلة حزن الشاب جدا من كلام الدكتور وبكي جامد بس حاول ميبينش حزنه لامه علشان متعرفش اللي قاله الدكتور و في اليوم التاني كان الشاب راجع من شغله وكان مهموم جدا وخايف انه لما يروح المستشفي يسمع خبر وفاة امه وهوه ماشي لقي في الطريق قطة وحوليها اولادها الصغيرين وكانت القطة دي مش لاقية اكل ليها ولاولادها فصعبت عليه وقال لنفسه مسكينة القطة دي ازاي هتأكل ولادها ؟؟ دي ممكن تموت هيه وولادها ان فضلت علي الحال ده فقرر انه يشتري للقطة اكل وفعلا عمل كده وكمل بعدها طريقه للمستشفي ولما وصل الغرفة اللي كانت امه فيها لقيها مش موجودة هناك فتخض وبهت لونه واخد المرر جري للدكتور وسأله فين امي امي فين ؟؟ الدكتور قاله ان امه اتحسنت حالتها فجأة من غير ما نعرف ازاي وامته  وعلشان كده نقلناها من غرفة الانعاش فرح الشاب جدا وراح لامه وحضنها بشدة وسألها ايه اللي حصل في غيابه فقالت الام انها حست بتعب شديد فنامت ولما نامت حلمت بقطة وحوليها اولادها الصغيرين وكانت القطة رافعة ايديها للسما وبتدعلها ان ربنا يشفيها ولما صحيت الام حست بتحسن كبير وانها مش تعبانة عرف الشاب فورا ان القطة دي هيه نفسها اللي انقظها وهوه جي فحمد ربنا علي كرمه و علي انه رأف بيه وبحالته زي ما هوه رأف بالقطة دي و اولادها . 

وتوته توته خلصت الحدوته