بعض البشر لو قال كلمة سمعناه

وبعض البشر ما نسمعه لو ينادي

وبعض البشر لو غاب لحظة فقدناه 

وبعض البشر لو غاب لسنين عادي

 وبعض البشر لا راح عنا لحقناه

لو بيننا وبينه ثمانين وادي 

وبعض البشر لو قعدت انت وياه 

ان قلت وينك؟ قال بين الايادي

وبعض البشر في ساعة الفود نلقاه

 وبعض البشر لا فادنا ولا استفادي 

وبعض البشر مركى هل الطيب مركاه

وبعض البشر مسعاه خبص العبادي

وبعض البشر والله لو يسرح بذكراه

وبعض البشر ذاكرة وقت الحدادي

وبعض البشر روس العلالي موطاه

وبعض البشر من قاع وادي لوادي

وبعض البشر ما تنطق العيبه اشفاه

وبعض البشر العيب امر اعتيادي

وبعض البشر نص الدلو صعب يملاه

وبعض البشر محيط هندي وهادي

وبعض البشر ما يغير الوقت مبداه

وبعض البشر ما يعرف معنى المبادي 

وبعض البشر بين الحضر والبدو تاه

لا اهل الحضر عرفوه ولا اهل البوادي 

وبعض البشر والله والله والله

لو ينشرى ينشرى بمليون تشريه عادي

الكفو يلقى له خوي كفو يكفاه 

والا الردي يزين على كل حادي

المرجلة والطيب والدين والجاه

أجناد للي ما لقا له جنادي.