دة احسن خبر ممكن تسمعوه او تعرفوه






ممكن تكونوا قريتوا الخبر دة قبل كدة بس ما هتمتوش




و انا كمان متأكدة انكم حتقروا اللي حكتبه و حتنسوه او اول ما تعرفوا الموضوع دة عن ايه حتقفلوا الموضوع و تطنشوا بس انا مش بقول الكلام دة ليكوا انا بكلم ضميركم



بكلم ضميركم اما تبقى ام صاحية من نومها تلاقي ابنها مات

بكلم ضميركم اما واحدة تحلم باليوم اللي حتشوف فيه ابنها و تبقى ام و في ثانية الحلم دة يضيع و تموت هى و ابنها

بكلم ضميركم اما بنت تحلم تلبس فستان فرح و فجأة تلبس فستان كفنها


عارفين دة فين؟ في فلسطين و العراق و غزة و رفح و .........و........و........

انا مش حقولكوا روحوا حاربوا بس قاطعوا انا عارفة ان كلامي مش حيقصر في حد
حتقولوا و احنا مالنا صح؟

انا بس عاوزاكوا تتخيلوا نفسكم و انتوا بتشربوا منتجات اسرائيلية او بتكلوا منها انكوا بتشربوا دم بنت كان كل حلمها تلبس فستان فرح او ام كان نفسها تسمع كلمة ماما او واحدة تصحى تلاقي ابنها مات

بلاش كل دة بس اما توصل ان الدينمارك يسيئوا للرسول نسكت كمان؟؟؟؟؟؟؟؟

مش معقول ان الانسان اللي اتحمل كتير قوى عشان انت يتكتب في بطاقتك مسلم نهمله كدة

الدينمارك رسموا الرسول اول كرة و اما احنا قاطعناهم سكتوا بس اما احنا نسينا هما كمان رجعوا يرسموا الرسول بافظع الصور

انا دخلت الموقع اللي كان عليه صور خير الانام و كان فيه دينيماركيين و اجانب بيعلقوا على الصور تصوروا قالوا ايه؟
قالوا طالاما المسلمين سكتوا يبقى محدش يخاف و ارسموا اللي انتوا عاوزينه
ياااااااااااااااااااااااه للدرجاتي الرخص اللي بقينا فيه؟؟؟؟؟؟؟؟؟

لو صحينا و هم حاسوا ان احنا مش حنسكت حيتكسروا و حيعرفوا ان احنا اقوى منهم

قاطعوا يا جماعة احنا مش حنموت من الجوع لو ما اكلناش من حاجاتهم

بصوا انا لا كبيرة و لا بتفلسف و لا حاجة انا بنت عندي 15 سنة لا منقبة و لا لابسة ازدال انا محجبة و عادية زى اى بنت بس الفرق ان انا صحيت و عرفت ان احنا بالطريقة دي حينداس على كرامتنا كتير اوى اوى اوى

معقول بنت عندها 15 سنة تصحى و اللي اكبر منها نايمين ؟؟؟؟؟؟؟؟؟؟؟

انا عن نفسي حبدأ و حقاطعهم و كلامي دة اللي يعرف ينشره ينشره و نصحى بقى بدل اللي احنا فيه

ازاى بتقولوا محمد رسول الله و انتوا مش عارفين تحافظوا على اسمه؟؟؟؟؟؟؟؟؟؟