أول شي سلام عليكم شلونكم وشخباركم حلوين طيبين بنحبكم. 
راح اكتب لكم اليوم عن أشياء حصلت لي في حياتي أنه واخوي اللي اكبر مني . 
أول ما تخرجت من الثانوية وتحررت الكويت سافرت إلي الكويت للعمل لدراسة المهم أسافر وبس . 
في الغربة تعلمت أشياء واجد مثل غسل المواعين وغسيل الملابس واهم شي الطبخ حتى الشيف رمزي مو احسن مني في الطبخ لكن هو سبقني والف كتاب طبخ وأنه بعد لا أطول عليكم . 
أول راح أتكلم عن الطبخ وما أدراك ما الطبخ فن وفناتك وأنت في غربة يعني إبداع علي كيفكم .ما علينه 
راح نتكلم عن رمضان وعن الطبخ في رمضان. 
أول يوم من رمضان أنه واخوي قاعدين نطالع التلفزيون جان يفز من مكانه وقول باجر راح نسوي كباب وأنه وياه علي عماي كباب 
طرشني الجمعية مو أنه المطراش ماله اشتري طحين للكباب 
وأنه اشتريت طحين عادي مو مال كباب 
اخوي عجن الطحين وخلاة يتخمر وأنه مستانس كباب يعني أمي الله يذكره بالخير مو احسن منه في طبخ الكباب 
بعد ما تخمر العجين 
وركبه المقله علي الفرن 
اخوي من صوب وأنه من صوب وما خلينه شي ما لعوزناه عجين فداء للكباب , ما أطول عليكم خلص الكباب وصار جاهز 
يوم أذن المؤذن للإفطار والكباب جذامي محطوب أنه أطالع اخوي واهو يطالعني والكباب بنص وكل واحد يقول في خاطره شنو راح يكون طعم الكباب لانه الكبير أكل قبلي واحد وبعدين بلعه غصب وأنه أطالع واقول ويش فيه ما يكمل قلت أكل وحده اجرب. 
يوم اكلت وبلعته بالغصب تدرون الكباب اللي طبخنا طلع شنو 
الكباب اللي طبخناه ما صار كباب صار قيمات وماصخ بعد 
من القهر اخوي بغه يرميه في الزبالة قلت له كل هاتعب وترميه لا 
قمت سويت ماء وشكر وخليت الكباب فيه قصدي القيمات أكلته من القهر علي الكباب. 
وسلامتكم 
في المرة القادمة راح اكتب عن الغسيل وما أدراك ما الغسيل 
ملاحظة: احنه عن اهلنه ما يعجبنه شي من طباخ الوالدة لكن يوم دشيت ......... وسافرت في غربه كل شي تطبخه أمي حلو وما أتحطم . 
وتحياتي للجميع.